Абарона асабліва ахоўных прыродных тэрыторый

У Беларусі існуе 1 запаведнік, ААПТ вышэйшай катэгорыі аховы, Бярэзінскі біясферны запаведнік і 4 Нацыянальныя паркі (“Белавежская пушча”, “Браслаўскія азёры”, “Нарачанскі”, “Прыпяцкі”). Усе яны знаходзяцца ў падпарадкаванні Кіраўніцтва спраў прэзідэнта. Непасрэднае кіраўніцтва запаведнымі тэрыторыямі ажыццяўляюць створаныя для гэтага аднайменныя Дзяржаўныя прыродаахоўныя ўстановы (ДПУ).

Практыка кіравання сістэмай асабліва ахоўных прыродных тэрыторый, якая склалася ў Беларусі, далёкая ад дасканаласці і патрабуе сур’ёзных змен.

Рабочай групай быў падрыхтаваны Агляд планаў кіравання нацыянальнымі паркамі пад вельмі правакацыйнай назвай “Ці могуць беларускія нацыянальныя паркі стаць па-сапраўднаму нацыянальнымі паркамі?”.

Існуюць сістэмныя праблемы ў кіраванні: закрытасць дзейнасці ДПУ ад грамадскасці і адхіленне мясцовых жыхароў ад уплыву на прыняцце экалагічна важных рашэнняў і іншае.

Гаспадарчая дзейнасць ДПУ шматпрофільная: паляванне, нарыхтоўка і перапрацоўка лесу, рыбалка, турызм, гандаль, сельская гаспадарка і іншае.

Мае месца развіццё гаспадарчай дзейнасці і яе пераважанне не на карысць прыродаахоўным функцыям і задачам ААПТ. Такая сітуацыя парушае правы грамадскасці на атрыманне экалагічна важнай інфармацыі і ўдзел у экалагічна важных рашэннях, з аднаго боку. З іншага боку, маецца пагроза захаванню дзікай прыроды і біяразнастайнасці на тэрыторыі 5 ААПТ.

Мэта:

Захаванне біяразнастайнасці і дзікай прыроды на тэрыторыі 5 ААПТ і рэалізацыя права грамадскасці на атрыманне экалагічна значнай інфармацыі і прыняцце экалагічна важных рашэнняў.

Удзельнікі:

• ГА «Багна»

• ГА «Ахова птушак Бацькаўшчыны»

• Таварыства «Зялёная сетка».

Працягласць:

Кампанія пачала сваю дзейнасць з 2014 года і працягваецца ў цяперашні час.

Мэтавая аўдыторыя:

• мясцовыя жыхары рэгіёну 5 ААПТ,

• кіраўніцтва і супрацоўнікі 5 ААПТ,

• навукоўцы НАН РБ у галіне дзейнасці ААПТ.

Інструменты:

• інфармаванне,

• петыцыі,

• круглыя сталы,

• грамадскія абмеркаванні,

• запыты і звароты,

• экспедыцыі,

• маніторынг.

Органы, якія адказваюць за прыняцце рашэнняў:

• Кіраўніцтва спраў прэзідэнта,

• 5 ДПУ,

• Мінпрыроды.